Bleikur dagur á morgun

Sælar allar hressar HHK konur og til hamingju með þennan nýja samskiptavettvang!!  Flott þetta stjórnarkonur.

Ég má til að minna ykkur allar á að á morgun er kvennadagurinn 19. júní og þá reynum við konur að vera sem allra bleikastar í klæðaburði bæði í vinnunni og svo auðvitað í reiðhjólaferðunum. 

Hlakka til líflegra samskipta hér á síðunni - kveðja, Erla úr Garðabænum

Kvennahlaup og 17. júní

Það var ánægjulegt að hitta HHK konur í kvennahlaupinu. Bryndís var til fyrirmyndar en hún hafði hjólað af Völlunum inn í Garðabæ - og síðan hringinn. Þegar ég ræddi við hana var hún búin að fara 17km og átti eftir að hjóla heim.

Rannveig mætti ásamt sínum manni á Þórsplanið á hjólinu á 17. júní. Tóku þau sig vel út !

Með bestu kveðju - Valgerður Aðalritari

Kvennahlaup

Til hamingju með daginn!

Eins og alþjóð veit, þá féll laugardagsferð HHK niður - vegna Kvennahlaupsins. Við gerum ráð fyrir að sem flestar mæti í hlaupið en það sjálfsagt mál að hita sig upp og hjóla í Garðabæ.  Það er einnig góð leið til að draga úr umferðaröngþveitinu á svæðinu

Með bestu kveðju Valgerður Halldórsdóttir Aðalritari HHK