Óopinber heimsókn

Í blíðviðrinu í gærkvöldi (11 júlí) hjóluðu átta konur 12 kílómetra hver og reiknast mér til að það séu 96 km alls. Lagt var af stað frá Hafnarborg og hjólað að Garðaholti. Þar sást í myndarbýlið Bessastaði og var þá ákveðið að bruna þangað í óopinbera heimsókn. Þar var auðvitað allt læst og ekkert lífsmark. Én þar var engu að síður sama sagan og við Kænuna á laugardag. Við gerðum stuttan stans á bílastæðinu við kirkjuna og þá bókstaflega fylltist allt af fólki, aðallega karlfólki. Þarna komu bifhjólamenn, sem  flautuðu á okkur, og erlendir ferðamenn sem þóttust ekki sjá okkur.  

Sjáumst hressar á laugardaginn kl. 11.

Formaðurinn

Athugasemdir

[Ásdís Óladóttir (IP-tala skráð) 12.7.2007 kl. 16:02]

Hæ, hæ og takk fyrir í gær. Þetta var fyrsta ferðin mín með félaginu þrátt fyrir að vera einn af stofnfélögum. Það tók mig heilt ár að æða af stað enda bý ég í höfuðborginni. En nú get ég ekki hætt. Verst að bifhjólamennirnir voru ekki kvenmenn

Kveðja, Ásdís

[Valgerður Halldórsdóttir, 14.7.2007 kl. 00:56]

Hæ hæ! Er það ekki Kársnesið á morgun stelpur  Skilst að þar séu bæði karlar og konur á bifhjólum eða var það þríhjólum?